Հայաստան կայցելի ԵԽԽՎ նախագահը
23:20 , 22 մարտ, 2019Azatutyun.am-ը գրում է.
Եվրոպայի խորհրդի Խորհրդարանական վեհաժողովի (ԵԽԽՎ) նախագահ Լիլիան Մորի Պասքիեն մարտի 26-28-ը կայցելի Հայաստան:
Պաշտոնական այցի ընթացքում նա կհանդիպի Հայաստանի նախագահ Արմեն Սարգսյանի, վարչապետ Նիկոլ Փաշինյանի, խորհրդարանի խոսնակ Արարատ Միրզոյանի, արտգործնախարար Զոհրաբ Մնացականյանի և աշխատանքի ու սոցիալական հարցերով նախարար Զարուհի Բաթոյանի հետ:
Ստրասբուրգից ստացված հաղորդագրության համաձայն, նախատեսված են հանդիպումներ քաղաքական խմբավորումների, խորհրդարանական հանձնաժողովների, ինչպես նաև ԵԽԽՎ-ում Հայաստանի պատվիրակության հետ:
Լիլիան Մորի Պասքիեն կմասնակցի գենդերային հարցերին նվիրված խորհրդաժողովին, որի մասնակիցների թվում կլինեն Հայաստանի օբմուդսմեն Արման Թաթոյանը և քաղաքացիական հասարակության ներկայացուցիչներ:
Մարտի 27-ին նախատեսված է ԵԽԽՎ նախագահի ասուլիսը Հայաստանի խորհրդարանում: