Համաներմամբ ազատվել է 628 անձ, որից 66-ն արդեն կատարել է 121 հանցագործություն. փոխոստիկանապետ

Tert.am-ը գրում է.

Կառավարության 2018թ-ի ծրագրի կատարման ընթացքի և արդյունքների մասին զեկույցի քննարկման ժամանակ այսօր ԱԺ «Լուսավոր Հայաստան» խմբակցության պատգամավոր Գևորգ Գորգիսյանն առաջին փոխոստիկանապետ Արման Սարգսյանից հետաքրքրվեց, 2018-ի համաներումից հետո հանցագործությունների թվի ինչքան աճ է գրանցվել։ 

Արման Սարգսյանն ի պատասխան նշեց, որ 628 անձ է համաներմամբ ազատվել, որից 66-ն արդեն կատարել է 121 հանցագործություն:

«Հիմա ընդամենը այս 66 կրկնահանցագործուններից, ովքեր ազատվել են, 16-ն են ՔԿՀ-ներում, 46-ի նկատմամբ որպես խափանման միջոց ընտրվել է չհեռանալու մասին ստորագրությունը և այլն»,-ասաց նա: 

Ըստ նրա, այստեղ երկակի մոտեցում կա: «Եթե նայում ենք անվտանգության տեսանկյունից, ապա մարդիկ պետք է այնտեղ լինեն, բայց եթե մարդու իրավունքների, միջին ծանրության հանցագործությունների տեսանկյունից նայենք, ապա շատ հաճախ դրանք ոչ մեծ ծանրության են, նրանց նկատմամբ նույնիսկ խափանման միջոց կալանք ընտրելու միջնորդություններ չեն ներկայացվում դատարաններ»,-ասաց նա:

Ամբողջական հոդվածը կարող եք կարդալ այստեղ