Շախմատի ԵԱ. Երրորդ տուրը հաղթական էր Հայաստանի 2 ներկայացուցչի համար
12:10 , 21 մարտ, 2019Armsport.am-ը գրում է.
Մակեդոնիայի մայրաքաղաք Սկոպյեում ընթացող շախմատի տղամարդկանց Եվրոպայի անհատական առաջնության երրորդ տուրը հաղթական է ստացվել Հայաստանի 2 ներկայացուցիչների համար, գրում է ՀԱՕԿ-ի պաշտոնական կայքը:
Հաղթանակի են հասել Ռոբերտ Հովհաննիսյանը և Հայկ Մարտիրոսյանը, իսկ Հայաստանի նորընծա չեմպիոն Արման Փաշիկյանը պարտություն է կրել:
Հրանտ Մելքումյանը, Շանթ Սարգսյանը, Մանուէլ Պետրոսյանը, Սամվել Տեր-Սահակյանը և Սերգեյ Մովսեսյանը խաղաղ ելքով են ավարտել իրենց պարտիաները:
Չորրորդ տուրում Շանթ Սարգսյանը սպիտակ խաղաքարերով կմրցի Ռոբերտ Հովհաննիսյանի հետ:
Եվրոպայի առաջնության գլխավոր մրցավարն է Աշոտ Վարդապետյանը: 357 մասնակիցներից 142-ը գրոսմայստերներ են: