Ի՞նչ օգտակար հատկություններ ունի թութը

Թթենին բավականին հին բույս է։ Թութը մի շարք ճաշատեսակների համար հումք է հանդիսանում։ Այն ունի շատ հաճելի քաղցր համ։ Այն ամեն տարի պտուղներ է տալիս։ Թե՛ պտուղները, թե՛ տերևները և թե՛ արմատը շատ օգտակար են մեր օրգանիզմի համար։ Թթենին՝ որպես հումք, օգտագործվում է նաև երաժշտական գործիքներ և դեկորատիվ իրեր պատրաստելու համար։

Պտուղի նկարագրությունը

Պտուղի բաղադրության մեջ մտնում են․

• Մրգային շաքարներ և գլյուկոզա,
• Եթերային յուղ,
• Կալցիում,
• B, E, A և C խմբի վիտամիններ։

Կալորիականությունը՝ 40 կկալ

Օգտակարություն

• Վիտամիններով հարուստ բաղադրության շնորհիվ ամրապնդում է իմունիտետը։
• Թթենու պտուղներն օգտագործում են քաշը նվազեցնելու համար։
• Մտավոր կամ ֆիզիկական ծանրաբեռնվածության ժամանակ վերականգնում են ուժերը։
• Թթենու տերևներից պատրաստված արգանակն օգնում է նվազեցնել արյան մեջ շաքարի մակարդակը։ Այս արգանակն օգտակար է նաև բրոնխիտի և անգինայի ժամանակ։
• Թարմ թութը նվազեցնում է մաշկի գրգռվածությունը։
• Թթից պատրաստված արգանակն օգտակար է նաև արտաքին օգտագործման համար։ Այն փափկություն է հաղորդում մաշկին ու մազերին և օգտակար է մազերի աճի համար։
• Թթից պատրաստում են շատ համեղ և օգտակար հյութ։ Այն շատ լավ հակաբորբոքային միջոց է։ Այս հյութը շատ օգտակար է գրիպի և ուժերի անկման ժամանակ։