«4019 տարվա պատմություն ունեցող Հալեպը Ձեզ համար կալյանով կկրճատվի՞». Հալեպահայերը վիրավորված են Վիկտոր Մնացականյանի հայտարարությունից

Aysor.am-ը գրում է.

Կենտրոն վարչական շրջանի ղեկավար Վիկտոր Մնացականյանը նախօրեին Օպերայի հարակից սրճարանների ապամոնատժման դեմ պայքարող աշխատակիցների հետ բանավեճի ընթացքում դժգոհել էր որոշ սրճարանների գործելաոճից՝ հայտարարելով. «Նարգիլեներեը բերել եք, հարյուրներով շարել եք, Երևանը սարքել եք Հալեպ, էտ լա՞վ ա: Դուք ինձ հարցնու՞մ եք, որ բերում եք էտ նարգիլեները, շարում եք»:

Մնացակայանի հայտարարությունը հարուցել է հալեպահայերի դժգոհությունը: Նրանք մասնավոր զրույցներում և սոցցանում իրենց վրդովմունքն են հայտնում, առ այն, որ հազարամյա պատմություն և մշակույթ ունեցող քաղաքը Վիկտոր Մնացականյանն ասոցացնում է միայն նարգիլեների հետ և մատնացույց է անում որպես վատ օրինակ:

Սիրиահայ Շանթը սոցցանցի իր էջում գրել է. «Պարոն Մնացականյան՝

4019 տարիների պատմություն ունեցող Հալեպը Ձեզ համար կալյանով կկրճատվի՞։

Ձեր արտահայտությունը վիրավորական էր։

Բազմապատիկ հալեպահայեր՝ բիզնեսներ և ներդրումներ են ունեցել տարբեր ոլորտներում..

Ավելի ճիշտ չէ՞ր լինի սփյուռքի ամենամեծ համայնքի քաղաքի մասին, ավելի հարգանքով խոսել»:

Ամբողջական հոդվածը կարող եք կարդալ այստեղ