46-ամյա վարորդը Արարատի մարզում 06-ով դուրս է եկել երթևեկելի գոտուց և կողաշրջվել. կա վիրավոր
19:30 , 13 մարտ, 2019Shamshyan.com-ը գրում է.
Երեկ՝ մարտի 12-ին, ավտովթար է տեղի ունեցել Արարատի մարզում: Ժամը 20:20-ի սահմաններում Մասիս քաղաքի բնակիչ, 46-ամյա Տիգրան Թումանյանը իր վարած ВАЗ 2106 մակնիշի 35 RG 477 համարանիշի ավտոմեքենայով Մասիս-Նորամարգ ավտոճանապարհի 1-ին կմ հատվածում դուրս է եկել ճանապարհի երթևեկելի գոտուց և կողաշրջվել:
Ինչպես հայտնում է ֆոտոլրագրող Գագիկ Շամշյանը, վթարի հետևանքով վարորդ Տ. Թումանյանը մարմնական վնասվածքներով տեղափոխվել է Մասիսի բժշկական կենտրոն:
Դեպքի վայր են ժամանել ՃՈ 2-րդ սպայական գումարտակի 1-ին վաշտի 2-րդ դասակի ծառայողները՝ նույն վաշտի հետաքննիչ Արմեն Գաբրիելյանի գլխավորությամբ, ում կողմից փաստի առթիվ նյութեր են նախապատրաստվում:
Ծանուցում. Ենթադրյալ հանցանքի մեջ կասկածվողը կամ մեղադրվողը համարվում է անմեղ, քանի դեռ նրա մեղավորությունն ապացուցված չէ ՀՀ քրեական դատավարության օրենսգրքով սահմանված կարգով` դատարանի` օրինական ուժի մեջ մտած դատավճռով: