«Ժողովուրդ». Բաղրամյան 26-ում, մինչև Արմեն Սարգսյանի տեղափոխվելը, նրա հրահանգով վերանորոգման աշխատանքներ են կատարվել
10:30 , 7 մարտ, 2019«Ինչպես հայտնի է, նախագահի աշխատակազմը կրկին տեղափոխվել է իր հին նստավայր՝ Բաղրամյան 26՝ լքելով Մաշտոցի 47 հասցեում հատկացված վայրը: Եվ ահա, ինչպես պնդում են «Ժողովուրդ» օրաթերթի աղբյուրները, մինչև տեղափոխումը, ՀՀ նախագահ Արմեն Սարգսյանի հրահանգով այնտեղ վերանորոգման որոշակի աշխատանքներ են իրականացվել:
Մեկնաբանության համար դիմեցինք նախագահի օգնական Հասմիկ Պետրոսյանին, որը հաստատեց փաստը. «Այո, ինչ-որ աշխատանքներ իրականացվել են, սակայն նշեմ, որ Բաղրամյան 26-ում ուղղակի արվել է մասնակի կոսմետիկ վերանորոգում»,-ասաց նա:
Հարցրինք՝ դա եղել է նախագահի աշխատասենյակո՞ւմ, տիկին Պետրոսյանը բացասական պատասխան տվեց՝ ասելով. «Աշխատանքներ եղել են ընդհանուր շենքում, աշխատակիցների սենյակներում»: Նշենք, որ հիմա Ա. Սարգսյանը զբաղեցնում է նույն աշխատասենյակը, որը ժամանակին Սերժ Սարգսյանինն էր»,-գրում է թերթը:
Նյութն ամբողջությամբ կարդացեք թերթի այսօրվա համարում: