Թավա–քաբաբ. «Պապիկի բեղեր»

Թավա–քաբաբի մի շատ հետաքրքիր ու համեղ տարբերակ՝ թավա–քաբաբը սպագետիի վրա։ Տոմատի սոուսի մեջ եփված համեմունքներով խճողակը՝ սպագետիի վրա, անկրկնելի նուրբ է ստացվում և ցանկացած կոտլետից ավելի համեղ։

Անհրաժեշտ բաղադրիչներ

• Տավարի խճողակ՝ 500 գ
• Կարտոֆիլ՝ 4 հատ
• Լոլիկ՝ 4 հատ
• Աղ, պղպեղ՝ ըստ ճաշակի
• Սպագետի՝ 500 գ
• Իտալական խոտեր՝ ըստ ճաշակի
• Կանաչի՝ ըստ ճաշակի
• Սև պղպեղ՝ ըստ ճաշակի

Պատրաստման եղանակը

1. Պատրաստեք խճողակը, ավելացրեք իտալական խոտեր և մի քիչ հունցեք, որպեսզի ավելի կպչուն դառնա։

2. Սպագետիները հավասար բաժանեք (5 կամ 10 հատով), մսից կոտլետներ պատրաստեք և քաբաբի նման անցկացրեք սպագետիի վրա։

3. Մաքրեք կարտոֆիլը, կտրատեք, նաև լոլիկը խորանարդիկներով կտրատեք և լցրեք թավայի մեջ։ Վրայից դրեք խճողակով սպագետիները, հետո ջուր լցրեք այնպես, որ կիսով չափ ծածկի խճողակը։

4. Եփեք կափարիչը փակ, մինչև կարտոֆիլը պատրաստ կլինի, իսկ վերջում աղ արեք և պղպեղ։ Մատուցելիս տոմատի սոուս լցրեք վրան։