Ֆուտբոլ. Յուրա Մովսիսյանը մեկ օրով հեռացված է եղել հավաքականից
13:59 , 13 հունիս, 2013
«Պահվածքի ու կարգապահական խնդիրների հետ կապված՝ մարզումներից մեկ օրով հեռացված է եղել Հայաստանի ազգային հավաքականի ֆուտբոլիստ Յուրա Մովսիսյանը»,- այս մասին լրագրողների հետ հանդիպման ժամանակ ասաց ՀՖՖ նախագահ Ռուբեն Հայրապետյանը:
«Վարդան Մինասյանը շատ ճիշտ է արել: Այո, Յուրա Մովսիսյանը խախտել է դիսցիպլինան: Նա մեկ օր հեռացված է եղել հավաքականից: Մեկ օր հետո նա մարզչին ասել է` հասկացել է, որ սխալ է արել: Ինձ այդ մասին ասաց Վարդան Մինասյանը, եւ ես հասկացա, որ Յուրան զգացել է իր սխալը եւ այլեւս չի կրկնի նման բան»: