Ձվի սպիտակուցներն առանձնացնում ենք դեղնուցներից:
Սպիտակուցները 20 գ շաքարավազի հետ հարում ենք, մինչև պինդ փրփուր ստանանք:
Դեղնուցները մնացած շաքարավազի հետ մեկ այլ ամանի մեջ ենք լցնում և հարում, այնուհետև լցնում սպիտակուցների մեջ:
Զգուշորեն խառնում ենք:
Ալյուրը մաղում ենք, լցնում ձվով զանգվածի մեջ և զգուշորեն խառնում:
Խմորը լցնում ենք յուղաթղթի վրա և 1 սմ հաստությամբ ուղղանկյան տեսք տալիս: Թխում ենք 20 րոպե նախապես մինչև 200 աստիճան տաքացրած ջեռոցում:
Պատրաստի բիսկվիթը հանում ենք ջեռոցից և հենց յուղաթղթով դնում խոնավ սրբիչի վրա, որը կրկին ծածկում ենք յուղաթղթով և վրան կրկին խոնավ սրբիչ դնում: Ստացվում է, որ բիսկվիթը գտնվում է 2 կողմից ծածկված յուղաթղթերի արանքում: Թողնում ենք՝ այդպես սառչի, այնուհետև յուղաթուղթը հեշտությամբ հանում ենք:
Քանի դեռ բիսկվիթը սառչում է, ջեռոցում բովում ենք գետնանուշը, թողնում, որ սառչի և խոշոր կտրատում ենք:
Սառած բիսկվիթն առանձնացնում ենք թղթից և վրան խնձորի ջեմ քսում:
Այնուհետև վրան տարածում ենք բոված գետնանուշը:
Այժմ յուղաթղթի օգնությամբ կիպ ռուլետանման փաթաթում ենք և 2 ժամով տեղափոխում սառնարան:
Պատրաստ է: