Հանոյում մեկնարկել է Դոնալդ Թրամփի ու Կիմ Չեն Ընի գագաթնաժողովը
16:50 , 27 փետրվար, 2019Azatutyun.am-ը գրում է.
Վիետնամի մայրաքաղաք Հանոյում մեկնարկել է ԱՄՆ-ի նախագահ Դոնալդ Թրամփի և Հյուսիսային Կորեայի ղեկավար Կիմ Չեն Ընի գագաթնաժողովը:
Մինչ գագաթնաժողովը Թրամփն այսօր հանդիպումներ է ունեցել Վիետնամի վարչապետի ու նախագահի հետ: Վարչապետի հետ հանդիպմանը Թրամփն իր խոսքում անդրադարձել է նաև գագաթնաժողովին, ասելով, թե կարծում է՝ Հյուսիսային Կորեայի ղեկավարը ցանկանում է մեծ քայլ անել:
Սա Դոնալդ Թրամփի և Կիմ Չեն Ընի երկրորդ հանդիպումն է՝ ուղղված Կորեական թերակղզու ապամիջուկայնացմանը, միջազգային հանրությանը սպառնացող վտանգների վերացմանը: