«Սրտնեղում եմ, որ դեռ կան մարդիկ, ովքեր փորձում են հիասթափություն տարածել հաղթանակած ժողովրդի մեջ». Մարիամ Փաշինյան

Երբ տեսնում եմ կեղծ լուրեր իմ կամ ընտանիքիս անդամների մասին, բացարձակ չեմ սրտնեղում, թե ինչ լույսի տակ են ուզում ինձ (մեզ) ներկայացնել, այլ սրտնեղում եմ, որ Հայաստանում դեռ կան մարդիկ, ովքեր փորձում են հիասթափություն ու հուսահատություն մղել երկար տարիներ պայքարած ու վերջապես հաղթանակած ժողովրդի մեջ՝ այս դեպքում կեղծ լուրեր հրապարակելով մեր մասին: Շատերս տարբերում ենք ապատեղեկատվությունն ու դեղին մամուլն իրական տեղեկատվությունից, բայց կան շատերը, որ ճշգրտորեն չեն ուղղորդվում տեղեկատվություն որոնելիս: 

Հույս ունեմ, որ մամուլը մի օր Հայաստանում կթևակոխի մի նոր, որակյալ հարթություն, որն իսկապես կլինի օգտակար հասարակությանն ուղղորդելու, իրականությունը ներկայացնելու ու իշխանություններին հասարակության իրական խնդիրները մատուցելու հարցում: Այսօր Հայաստանում էդպիսի մամուլ չկա: