08:46 , 21 փետրվար, 2019
Բաղադրիչներ
- լազանյայի շերտեր - 25 հատ
- պանիր պարմեզան - 100 գ
- ձիթայուղ - 2 ճ/գ
- Բոլոնեզ սոուսի համար՝
- տավարի միս (աղացած) - 600 գ
- լոլիկի մածուկ - 1 բանկա
- աղ - ըստ ճաշակի
- պղպեղ սև - ըստ ճաշակի
- կանաչի - 3 թ/գ (ըստ ճաշակի)
- Բեշամել սոուսի համար՝
- կաթ - 1 լ
- կարագ - 120 գ
- ալյուր - 3 ճ/գ
- մշկընկույզ (мускатный орех) - մի պտղունց
- աղ - ըստ ճաշակի
- պղպեղ սև - ըստ ճաշակի
Պատրաստման եղանակը
Պատրաստում ենք բոլոնեզ սոուսը: Դրա համար միսը 6-7 րոպե տապակում ենք, ավելացնում կանաչեղենը, աղը, պղպեղը, լոլիկի մածուկն ու եփում ևս 7 րոպե: Կրակից վերցնում ենք:
Պատրաստում ենք բեշամել սոուսը: Դրա համար կարագը թավայի մեջ հալեցնում ենք, ավելացնում ալյուրը: Անընդհատ խառնելով քիչ-քիչ լցնում ենք կաթ, ավելացնում մշկընկույզը, աղը, պղպեղը և եփում ենք ևս 8-10 րոպե, մինչև սոուսը համասեռ դառնա:
Թխվածքի ձևամանը ձիթայուղում ենք և հատակին դնում լազանյայի թերթերն այնպես, որը մեկը մի քիչ ծածկի մյուսին: Վրան տարածում ենք բոլոնեզի մի մասն ու հավասարեցնում:
Լցնում ենք բեշամել սոուսը, վրան մի քիչ քերած պարմեզան ցանում: Նույն եղանակով շարում ենք բոլոր շերտերը, մինչև որ բաղադրիչները վերջանան: Վերջին շերտը դնում ենք լազանյայի շերտը, վրան լցնում բեշամել սոուսն ու քերած պարմեզան ցանում:
Թխում ենք 190 աստիճան տաքացրած ջեռոցում մոտ 35 րոպե:
Լազանյա պատրաստելու համար ցանկալի է վերցնել այնպիսի թերթեր, որոնք նախապես եփելու կարիք չկա: