Azatutyun.am-ը գրում է.
Տիրանայում ցուցարարները ժամեր շարունակ անկարգություններ են իրականացրել երկրի կառավարության ղեկավարի նստավայրի մոտ, շշեր և պայթուցիկներ նետել կառավարական շենքի ուղղությամբ:
Վրդովված քաղաքացիները պահանջում են վարչապետ Էդի Ռամայի հրաժարականը: Բողոքի ցույցերի պատճառը կառավարության ղեկավարի՝ Ալբանիայի մայրաքաղաքի շրջակայքում արագընթաց մայրուղի կառուցելու պլաններն են, որոնց պատճառով ապամոնտաժման վտանգի տակ են հայտնվել բազմաթիվ տներ:
Երկրի ընդդիմությունը պնդում է, որ ավտոմայրուղու շինարարությունը կոռուպցիոն ռիսկեր և սխեմաներ է պարունակում: Ալբանացիների կասկածներն ու ճնշումները ստիպել են երկրի տրանսպորտի նախարարին հրաժարական տալ: