Փյունիկի պատանի ֆուտբոլիստները 7 օր կանցկացնեն Լեգանեսի ակադեմիայում
13:40 , 16 փետրվար, 2019Armsport.am-ը գրում է.
«Փյունիկի» 7 պատանի ֆուտբոլիստներ ուղևորվել են Իսպանիա՝ փորձ հավաքելու «Լեգանես» թիմի ակադեմիայում, որտեղ նրանք կանցկացնեն մեկ շաբաթ:
Այս մասին հայտնում է երևանյան ակումբի մամուլի քարտուղարությունը` լուսանկարներ ու տեսանյութ հրապարակելով Զվարթնոց օդանավակայանից:
Ավելի վաղ հայտնել էինք, որ «Փյունիկ» և «Լեգանես» ակումբների սեփականատերերը համագործակցության համաձայնագիր են կնքել:
Արթուր Սողոմոնյանը, խոսելով պատանի ֆուտբոլիստների վերապատրաստման մասին, ավելի վաղ ասել էր.
«Նրանք ամեն ինչ կանեն իրենց հաշվին, կնայեն մեր երեխաներին: Եվ եթե ամեն ինչ հաջող ընթանա, գարնանը 1.5-2 ամսով կուղևորեն ավելի լուրջ վերապատրաստման»: