Փշրում ենք թխվածքաբլիթը, ավելացնում կարագը, 4 հատ կոնֆետ Ferrero Rocher ու հարում: Ստացված զանգվածը լցնում ենք 24սմ տրամագծով ձևամանի մեջ և դնում սառնարան 20 րոպեով:
Խառնում ենք մասկարպոնեն շաքարավազի և վանիլինի հետ:
Ձևամանը հանում ենք սառնարանից, վրան ավելացնում ստացված կրեմի 3/4 մասը: Մնացած Ferrero Rocher կոնֆետները բաժանում ենք 2 մասի և դնում կրեմի վրա, ապա վրան լցնում կրեմի մնացած մասը և տեղափոխում սառնարան 4-6 ժամով:
Թույլ կրակի վրա եռացնում ենք 100 մլ սերուցքը, ավելացնում շոկոլադն ու թողնում՝ սառչի: Ապա ավելացնում ենք մնացած սերուցքն ու հարում:
Ստացված կրեմը լցնում ենք խոհարարական պարկի մեջ և դրա օգնությամբ տորթի վրա անում 1 սմ տրամագծով գնդիկներ:
Թեյի գդալի պոչով սեղմում ենք շոկոլադե գնդիկների ծայրերը ներքև:
Պատրաստի տորթը տեղափոխում ենք սառնարան 2 ժամով, որից հետո մատուցում: