Փենսը կոչ է արել ԱՄՆ-ի եվրոպացի դաշնակիցներին դուրս գալ 2015-ի միջուկային համաձայնագրից
23:00 , 14 փետրվար, 2019Azatutyun.am-ը գրում է.
Միացյալ Նահանգների փոխնախագահ Մայք Փենսը կոչ է արել Վաշինգտոնի եվրոպացի դաշնակիցներին դուրս գալ 2015-ին կնքված միջուկային համաձայնագրից՝ պնդելով, թե Իրանը «ամենամեծ սպառնալիքն է Մերձավոր Արևելքի խաղաղությանն ու անվտանգությանը»:
Ելույթ ունենալով Վարշավայում՝ միջազգային համաժողովում, Փենսը պնդել է, թե որոշ դաշնակիցներ չեն համագործակցում Վաշինգտոնի հետ Իրանին դիմակայելու հարցում:
Վաշինգտոնի և ԵՄ հարաբերությունները սրվել են Իրանի միջուկային ծրագրի շուրջ 2015 թվականին ստորագրված համաձայնագրից միանձնյա դուրս գալու՝ ԱՄՆ նախագահի որոշումից հետո:
Այժմ Սպիտակ տունը վերականգնում է պատժամիջոցները Թեհրանի նկատմամբ, մինչդեռ եվրոպական երկրները նոր առևտրային մեխանիզմներ են ստեղծում Իրանի հետ համագործակցությունը շարունակելու համար:
Այսօր Եվրամիության արտգործնախարարը, Ռուսաստանն ու Չինաստանը Վաշինգտոնի հրավիրած խորհրդաժողովին ներկա չեն: