Կիպրոսի պաշտպանության նախարարն այցելել է Հայոց ցեղասպանության հուշահամալիր և թանգարան
14:10 , 13 փետրվար, 2019Armenpress.am-ը գրում է.
Պաշտոնական այցով Երևան ժամանած Կիպրոսի Հանրապետության պաշտպանության նախարար Սավաս Անգելիդիսի գլխավորած պատվիրակությունը փետրվարի 13-ի առավոտյան այցելել է Հայոց ցեղասպանության հուշահամալիր և թանգարան։
Ինչպես «Արմենպրես»-ին տեղեկացրին թանգարանի լրատվական ծառայությունից, Կիպրոսի պաշտպանության նախարարը հարգանքի տուրք է մատուցել անմեղ զոհերի հիշատակին, այցելել Հայոց ցեղասպանության թանգարան, ծանոթացել ցուցադրությանը, գրառում կատարել Պատվավոր հյուրերի հուշամատյանում։
ՀՑԹԻ հիմնադրամի տնօրեն Հարություն Մարությանը բարձրաստիճան հյուրին հանձնել է Մխիթարյան Միաբանության Միաբան Հայր Վահան ծայրագույն վարդապետ Օհանյանի և ավստրալահայ Արա Քեթիպյանի կազմած 1890-1922 թթ․ ամերիկյան մամուլում հրատարակված Հայոց ցեղասպանության մասին հոդվածների երկու հատոր: