Այսօր խաղաղության մթնոլորտ տարածաշրջանում հաստատված չէ. վարչապետ
18:30 , 12 փետրվար, 2019Panorama.am-ը գրում է.
«Հայկական կողմը միշտ էլ ասել է, որ Արցախի հարցի կարգավորումը պատկերացնում է խաղաղ ճանապարհով, ինչը չի նշանակում, որ Հայաստանը չպետք է պատրաստ լինի պատերազմի, քանի որ, ցավոք սրտի, Ադրբեջանում առավել մեծ արձանագրումն այն է, որ հարցը պետք է լուծվի ռազմական ճանապարհով»,- այսօր Ազգային ժողովում կառավարության ծրագրի քննարկման ժամանակ հայտարարեց վարչապետ Նիկոլ Փաշինյանը՝ պատասխանելով «Բարգավաճ Հայաստան» խմբակցության պատգամավոր Արման Աբովյանի՝ ագրեսիվ հռետորաբանության մասին հարցին։
Փաշինյանի կարծիքով՝ հարցի խաղաղ կարգավորման համար նախ պետք է խաղաղության մթնոլորտ հաստատվի. «Այսօր խաղաղության մթնոլորտ տարածաշրջանում հաստատված չէ, առաջին հերթին Ադրբեջանի ագրեսիվ հռետորաբանության պայմաններում։ Եթե մենք ակնկալում ենք, որ Ադրբեջանը իր ագրեսիվ հռետորաբանությանը վերջ տա, բնականաբար մենք պետք է մեր կողմից արձանագրենք մեր ոչ ագրեսիվ դիրքորոշումը, բայց դա չի նշանակում, որ որևէ ագրեսիվության կամ ագրեսիայի համարժեք պատասխան տալ չենք պատրաստվում»։
Ամբողջական հոդվածը կարող եք կարդալ այստեղ