Պենտագոնի ղեկավարը չհայտարարված այցով ուղևորվել է Բաղդադ
16:10 , 12 փետրվար, 2019Yerkir.am-ը գրում է.
Պենտագոնի ղեկավարի պաշտոնակատար Փատրիկ Շանահանը փետրվարի 12-ին չհայտարարված այցով ժամանել է Իրաքի մայրաքաղաք`Բաղդադ: Այս մասին հայտնում է The Washigton Post-ը:
Ուղևորության ընթացքում պլանավորված են Շանահանի հանդիպումներն Իրաքի պաշտոնատար անձանց, այդ թվում` Իրաքի վարչապետ Ադիլ Աբդուլ Մեհդիի հետ: Սա Պենտագոնի ղեկավարի պաշտոնակատարի առաջին այցն է Իրաք:
Պետական դեպարտամենտում այս մասին նշել են, որ Շանահանի այցի նպատակն է՝ քննարկել Իրաքում ապագա ամերիկյան ռազմական ներկայությունը, ինչպես նաև ընդգծել այդ երկրի ինքնիշխանության կարևորությունը:Միևնույն ժամանակ սպասվում է, որ Շանահանը կհանդիպի Իրաքում ամերիկացի հրամանատարների հետ՝ Սիրիայից ամերիկյան զորակազմի դուրսբերումը քննարկելու նպատակով: