Հետազոտությունները ցույց են տվել, որ աշխատանքի ժամանակ երաժշտություն լսելը շատ արդյունավետ է, սակայն համեմատաբար վերջերս պարզվել է, որ որոշ ժանրեր ավելի շատ են մոտիվացնում, քան մնացածը։
Համաձայն Cloud Cover Music-ի հարցումների, որոնք անց են կացվել հազարավոր աշխատակիցների և գործատուների միջև, արդյունավետության բարձրացման համար ամենատարածված երաժշտությունը դասական ռոքն է։ Նրան հետևում են ալտերնատիվը և փոփը։ Ամենաշատ ուշադրություն շեղողը հիփ-հոփն է, հեվի-մետալը և քանթրին։
Cloud Cover Music-ի ղեկավար Մեգ Պեմոնտը նշում է, որ ամեն ինչ կախված է անհատական նախընտրություններից, գլխավորը տրամադրող աշխատանքային միջավայր ստեղծելն է, որը թույլ կատ առաջադրանքը կատարել այնքան լավ, որքան հնարավոր է։
Որպես օրինակ, թե ինչքան սուբյեկտիվ կարող է լինել երաժշտության ազդեցությունը տարբեր մարդկանց վրա, Պեմոնտը բերում է հիփ-հոփը։ Հարցվածների 21%-ի մոտ այս ժանրն արագորեն բարձրացնում է արդյունավետությունն այն դեպքում, երբ հարցվածների 38%-ն այն անվանել են նյարդայնացնող։
Հարցվածների մեծամասնությունը համակարծիք է, որ երաժշտությունն ավելի լավ է, քան ֆոնային ցանկացած աղմուկ։
Երաժշտական ճաշակը ձևավորում է նոստալգիկ հիշողություններ
Մայամիի համալսարանի Երաժշտական թերապիայի ծրագրի ղեկավար Թերեզա Լեսյուկի խոսքերով՝ երաժշտական նախընտրությունների տարբերությունը կախված է նոստալգիկ հիշողությունների և ասոցիացիաների հետ։
Հոգեբանության մեջ գոյություն ունի «ասոցացիվ հիշողություն» հասկացություն։ Երաժշտական ստեղծագործությունը կարող է առաջացնել հիշողություններ ինչ-որ իրադարձությունների մասին։ Ասոցացիա ստեղծող երաժշտությունը մեծ ազդեցություն է ունենում մարդու վիճակի վրա։
Ըստ Թերեզա Լեսյուկի՝ աշխատավայրերում ամենատարածված երաժշտական ժանրերը՝ դասական ռոքը, ալտերնատիվը և փոփ-երաժշտությունը իրականում ամենանոստալգիկն են։
Լեսյուկը պատմում է, որ 20 տարեկանում լսվող երաժշտությունը, որպես կանոն, ամենահզորն է, քանի որ մարդն այդ ժամանակ ակտիվ է, և նրա մոտ ձևավորվում է անհատականությունը։ Սա բացատրում է, թե ինչու են մարդիկ նախընտրում լսել դասական ռոք և ալտերնատիվ, իսկ երիտասարդությունը՝ հիփ-հոփ։