16:07 , 7 փետրվար, 2019
Բաղադրիչներ
- սիսեռ - 150 գ
- կիտրոնի հյութ - 15 գ
- ձիթայուղ - 25 գ
- թահին (քունջութի մածուկ) - 25 գ
- սխտոր - 1 հատ
- աղ - ըստ ճաշակի
- կարմիր պղպեղ - ըստ ճաշակի
Պատրաստման եղանակը
Թրջում ենք սիսեռը և թողնում ողջ գիշեր, ապա խաշում 4-5 ժամ: Եփած սիսեռը կեղևազրկում ենք և հարում բլենդերի միջոցով, ավելացնում ենք խաշած սիսեռի ջուրը (որպեսզի ստանանք անհրաժեշտ խտություն) և նորից հարում բլենդերով:
Ավելացնում ենք թահինը, կիտրոնի հյութը, ձիթայուղը, մաքրած սխտորը, աղն ու սև պղպեղը և նորից հարում ստացված զանգվածը բլենդերով:
Ապա պատրաստի հումուսը դնում ենք ափսեի վրա, կենտրոնում անում մի փոքրիկ փոսիկ, որտեղ լցնում ենք մի քիչ ձիթայուղ: Ձևավորում ենք պատրաստի հումուսը և մատուցում:
Մատուցում ենք հումուսը ձեր իսկ պատրաստած լավաշի հետ։