Կրասնոյարսկի Պուշկինի անվան դրամատիկական թատրոնի դերասան Սերգեյ Դանիլենկոն բողոքի ակցիա է կազմակերպել քաղաքապետարանի դիմաց և պահանջել դադարեցնել սառնամանիքը: Տղամարդն իր «Ինչու է այսքան ցուրտ: Բավական է» պաստառով լուսանկարը հրապարակել է Instagram-ում:
«360» հեռուստաալիքի հետ զրույցում Դանիլենկոն ասել է, որ իր կազմակերպած ակցիայից հետո եղանակային փոփոխությունների ակնկալիք չի ունեցել, պարզապես ցանկացել է զվարճացնել մարդկանց: «Անհրաժեշտ է դժվարություններին հումորով մոտենալ: Կրասնոյարսկում աներևակայելի ցուրտ է, այսպիսի գաղափար ծնվեց: Ինձ թվում էր, որ հարկավոր էր ինչ-որ կերպ մարդկանց զվարճացնել: Գոնե կժպտանք ավելորդ անգամ»,- ասել է դերասանը:
Նրա խոսքերով, անցորդները ժպիտով են մոտեցել իր ակցիային, պաշտոնյաներից մեկը լուսանկարել է ի հիշատակ, իսկ անվտանգության աշխատակիցը խնդրել է հեռանալ: