Թուրքիայի առաջնորդ Ռեջեփ Թայիփ Էրդողանը հերթական անգամ մեղադրել է Եվրամիությանը, քանի որ ԵՄ-ն չի կատարել տված խոստումները: Էրդողանն այդ մասին հայտարարել է NTV հեռուստաընկերության եթերում:
Նախագահի խոսքերով, Եվրամիությունը չի կատարում իր պարտավորությունները Թուրքիայի հետ միգրացիոն գործարքի շրջանակներում:
«Եվրամիությունը չի կատարում մուտքի արտոնագրերի ազատականացման խոստումները»,- ավելացրել է Էրդողանը:
Նա նաև ընդգծել է, որ Թուրքիան կատարում է իր խոստումները:
«Եթե մենք կատարում ենք մեր պարտավորությունները, մենք ակնկալում ենք նման մոտեցում նրանց կողմից»,- ասել է Էրդողանը: