Կարմիր խնձո՞ր, թե՞ կռվախնձոր. ինչպե՞ս առաջացավ այս արտահայտությունը և ի՞նչ կապ ունի Ադամի ու Եվայի հետ
21:30 , 1 փետրվար, 2019Ցանկացած կրթված մարդ գիտի, որ, համաձայն Աստվածաշնչի, Ադամին ու Եվային Աստված վռնդել է դրախտից արգելված խնձորն ուտելու համար, որը բարու ու չարի ծառի արգելված պտուղն էր: Սակայն, համաձայն Աստվածաշնչի, դա այդպես չէ:
Աստվածաշնչում ոչինչ չի նշվում կոնկրետ ծառի և կոնկրետ պտղի մասին:
Որտեղի՞ց այս պատմության մեջ հայտնվեց խնձորը
Հին հունական դիցաբանության համաձայն՝ Պարիսը պետք է երեք գեղեցիկ աստվածուհիներից ընտրեր ամենագեղեցիկին՝ տալով նրան ոսկե խնձորը: Պարիսը խնձորը տալիս է Աֆրոդիտեին։ Արդյունքում աստվածուհիները կռվում են, ինչն էլ հանգեցնում է Տրոյական պատերազմի:
Այդ ժամանակից ի վեր ստեղծվել է «կռվախնձոր» արտահայտությունը, և այս միրգը սկսել են ասոցացնել ձախորդությունների հետ, այդ պատճառով էլ Վերածննդի դարաշրջանի նկարիչներն աստվածաշնչյան տեսարան նկարելիս խնձորը միշտ օգտագործել են որպես ձախորդության նշան:
