«Ժողովուրդ». Այս գումարման ԱԺ պատգամավորները ևս նախկին գործընկերների նման ակտիվորեն լծվել են իրենց աշխատասենյակները վերանորոգելու գործին
10:30 , 26 հունվար, 2019«Այս գումարման խորհրդարանի պատգամավորները ևս նախկին գործընկերների նման ակտիվորեն լծվել են իրենց աշխատասենյակները վերանորոգելու գործին: Մինչև հաջորդ նիստը բավական ժամանակ կա, և պատգամավորներից շատերը նպատակադրվել են վերանորոգումն ավարտել այդ ընթացքում:
Ընդգծենք, որ վերանորոգումներն արվում են հենց պատգամավորների հաշվին, սակայն ԱԺ աշխատակազմի ղեկավարի համաձայնությունը ստանալու պարագայում միայն:
«Ժողովուրդ» օրաթերթն ականատես եղավ, որ երեկվա դրությամբ ակտիվ աշխատանքներ էին տարվում ԲՀԿ-ական մի քանի պատգամավորների աշխատասենյակներում: Խոսքն այն պատգամավորների մասին է, որոնց աշխատասենյակները նախկինում նոր մասնաշենքում էին գտնվում, սակայն այժմ տեղափոխվել են հին մասնաշենքի մի հատված, իսկ այստեղ սենյակներն այնքան էլ կապիտալ վերանորոգված չեն:
Այդպես վերանորոգումներ են իրականացնում Նորա Առուստամյանը, Իվետա | Տոնոյանը: Առաջիկայում հնարավոր են վերանորոգումներ նաև իշխող խմբակցության պատգամավորների սենյակներում»,-գրում է թերթը:
Նյութն ամբողջությամբ կարդացեք թերթի այսօրվա համարում: