02:10 , 26 հունվար, 2019
Մարդկանց շուրջ 80%-ը տառապում է մեջքի ցավից։ Հենաշարժողական համակարգի հետ կապված խնդիրներն առաջանում են տարբեր գործոնների հետևանքով, սակայն ցավերի մեծ մասի դեպքում դրանք կարելի է թեթևացնել մի քանի պարզ վարժությունների միջոցով։
«Ոտքերը պատին» դիրք
Նախնական դիրք։ Պառկեք հատակին, մեկ ոտքը դրեք մյուսի վրա և պատի ուղղությամբ ձգեք։ Մարմնի վերևի հատվածը պատի հետ ուղղահայաց պիտի լինի։
Ինչ անել
- Գոտկատեղի տակ սրբիչ կամ բարձ դրեք։
- Դանդաղորեն պառկեք մեջքի վրա և ձգեք ոտքերը պատի ուղղությամբ։
- Այս դիրքում մնացեք 2-3 րոպե։
- Այս դիրքից դուրս գալու համար ոտքերը ծալեք մինչև կուրծքը և թեքվեք կողքի վրա։
Օգուտ։ «Ոտքերը պատին» դիրքը հանում է մեջքի մկանների լարվածությունը և թեթևացնում է գլխացավը։
Թեքում կողքի
Նախնական դիրք։ Չորեքթաթ դիրք ընդունեք, ծնկները դրեք կոնքերի տակ, իսկ բազուկները՝ ուսերի։
Ինչ անել
- Աջ ձեռքը բարձրացրեք գլխի մոտ՝ արմունկը կողքի տանելով։
- Մարմնի վերևի հատվածն աջ թեքեք և նայեք առաստաղին։
- Մի քանի վայրկյան մնացեք այդ դիրքում, այնուհետև վերադարձեք նախնական դիրք։
- Ամեն կողմի համար կրկնեք 8-10 անգամ։
Օգուտ։ Այսպիսի վարժությունները բարելավում են կեցվածքն ու հոդերի շարժողականությունը և կարգավորում են ողնաշարը։
Բուրգի դիրք
Նախնական դիրք։ Կանգնեք, ոտքերը բացեք կոնքերի լայնությամբ։
Ինչ անել
- Ձախ ոտքով ետքայլ կատարեք։
- Ձախ ոտքը թեթևակիորեն կողքի թեքեք, այնպես, որ 45° ստացվի։
- Ձեռքերը մեջքի ետևում խաչեք։
- Դանդաղորեն իջեք ներքև՝ հենվելով աջ ոտքի վրա։
- Այսպես մնացեք մի քանի վայրկյան, զգացեք մկանների ձգվածությունը և աստիճանաբար նախկին դիրքին վերադարձեք։
- Կրկնեք 5-10 անգամ և փոխեք ոտքը։
Օգուտ։ Բուրգի դիրքը ձգում է ծնկների և գոտկատեղի ջիլերը։