Ֆուտբոլասեր ՀՀԿ-ականներն ու Կենտրոնի խաբված բնակիչները

ՀՀԿ ԳՄ այսօրվա նիստը սկսվել է 1 ժամ շուտ` ժամը 19-ին, և բավական օպերատիվ կերպով ավարտվել է: ՀՀԿ ԳՄ նիստերը սովորաբար սկսվում են ժամը 20-ին: 

«Առաջին լրատվականին» հասած տեղեկություններով` ՀՀԿ ԳՄ-ականների շտապողականությունը կապված է եղել Հայաստան-Մալթա ֆուտբոլային խաղի հետ: 

Ինչպես հայտնի է` ԳՄ նիստում Սերժ Սարգսյանը խոսել է Գորիսի արյունալի միջադեպի և Սյունիքի մարզպետի հրաժարականի մասին: 

ԳՄ նիստն ավարտելուց ու հայ ազգի խնդիրներին «լուծում» տալուց հետո ՀՀԿ-ականները շենքի հետնամուտքից շտապել են ստադիոն` ֆուտբոլ դիտելու` ՀՀԿ գրասենյակի բակում ոստիկանների հետ թողնելով պետական կարիքների պատճառով տները կորցրած բնակիչներին: