Ալյուրն ու սոդան անցկացնում ենք մաղով, իսկ հետո զգուշորեն խառնում ենք: Ձուն հարում ենք 1 պտղունց աղով, ավելացնում ենք շաքարավազն ու շարունակում ենք հարել:
Այնուհետև ավելացնում ենք ալյուրն ու շարունակում ենք խառնել:
300 գ թթվասերն ավելացնում ենք խմորային զանգվածին և խառնում ենք այնքան, մինչև ստանանք միասեռ զանգված:
Ձևամանը պատում ենք յուղաթղթով, լցնում ենք խմորի մի մասը:
Խմորի մյուս մասին ավելացնում ենք կակաոյի փոշին, խառնում ու լցնում ենք մյուս ձևամանի մեջ:
Խմորաշերտերը թխում ենք 20 րոպե նախօրոք 180 աստիճան տաքացրած ջեռոցում: Քանի դեռ խմորաշերտերը ջեռոցում են, պատրատում ենք կրեմը, որի համար երկու բաղադրիչները՝ թթվասերն ու շաքարավազը, լավ հարում ենք:
Արդեն պատրաստ խմորաշերտերը հանում ենք ձևամաններից, դնում ենք սննդային պոլիէթիլենային թաղանթի մեջ, որի արդյունքում ստացվում են փափուկ ու խոնավ բիսկվիթներ:
Շոկոլադե խմորաշերտը պատում ենք կրեմով, դնում ենք երկրորդ շերտն ու կրեմապատում:
Տորթը զարդարում ենք, ըստ ցանկության, սպիտակ ու սև շոկոլադով:
Համեղ տորթը պատրաստ է: Վայելում ենք: