Alibaba-ի հիմնադիրը խոսել է մարդկության պատմության մեջ ամենասարսափելի «հիվանդության» մասին
18:20 , 24 հունվար, 2019Չինացի միլիարդատեր, Alibaba ընկերության հիմնադիր Ջեք Ման Դավոսի տնտեսական ֆորումում ելույթի ժամանակ ասել է, որ աշխարհում գոյություն ունեն անբուժելի «հիվանդություններ», որոնք քաղցկեղից շատ ավելի սարսափելի են:
Ման այս մասին հայտարարել է ի պատասխան այն հարցի, թե իր աշխատակիցների որ հատկություններին է նա ուշադրություն դարձնում:
«Ես վարձում եմ մարդկանց, որոնք ինձնից ավելի խելացի են: Նրանց, ովքեր չորս կամ հինգ տարի հետո կարող էին լինել իմ ղեկավարը: Եթե դուք հիմար եք, ապա դա շատ ավելի վատ է, քան քաղցկեղը: Քաղցկեղը հնարավոր է բուժել: Եթե դուք հիմար եք, ձեզ հնարավոր չի լինի բուժել»,- ասել է նա:
Նա նաև հավելել է, որ վարձում է նրանց, որոնք դուր են գալիս որպես անհատներ, իսկ աշխատանքային գործընթացում նրան դուր են գալիս լավատես մարդիկ, որոնք չեն հանձնվում և պատրաստ են գնալ մինչև վերջ՝ ցանկացած դժվարության դեպում, չբողոքելով հանգամաններից: Վերջում նա ավելացրել է, որ հաջողության հասնելու համար մարդիկ առաջին հերթին բացթողումներ պետք է փնտրեն իրենց աշխատանքում, այլ ոչ թե մեղադրեն ուրիշներին:
Ավելի վաղ հաղորդվել էր, որ Ջեք Ման մտադիր է թոշակի անցնել 2019 թ.-ի սեպտեմբերին: