Աշխարհում երեխաների ավելի քան մեկ երրորդը մասնակցում է ծեծկռտուքների (36%): Նշվում է, որ երբեմն սովորողները ֆիզիկական բռնության են ենթարկվում ուսուցիչների կողմից: ՅՈՒՆԵՍԿՕ-ն նշել է, որ աշխարհի 68 երկրների դպրոցներում դեռևս թույլատրվում է մարմնական պատիժը:
Աշխարհի դպրոցականների մեկ երրորդը բախվում է ծաղրանքների. ՅՈՒՆԵՍԿՕ
16:44 , 24 հունվար, 2019Աշխարհի յուրաքանչյուր երրորդ աշակերտ, առնվազն ամիսը մեկ անգամ, դպրոցում ծաղրանքների, հոգեբանական և ֆիզիկական բռնության զոհ է դառնում: Այս մասին հաղորդում է ՌԻԱ Նովոստին՝ հղում անելով ՅՈՒՆԵՍԿՕ-ի զեկույցին:
Կազմակերպությունը փաստաթուղթը պատրաստել է աշխարհի 144 երկրներից ստացված տեղեկատվության հիման վրա: Զեկույցի համաձայն՝ երեխաների 32%-ը ծաղրանքի է ենթարկվում:
Ամբողջ աշխարհում, բացի Հյուսիսային Ամերիկայից և Եվրոպայից, առավել հաճախ ֆիզիկական բռնության դեպքեր են արձանագրվում: Երկրորդ տեղում, ըստ տարածվածության, սեռական բռնությունն է:
Միևնույն ժամանակ, Եվրոպայում և Հյուսիսային Ամերիկայում, երեխաները ավելի հաճախ հոգեկան բռնության են ենթարկվում: Այս շրջաններում գրեթե ամեն տասներորդ աշակերտ ենթարկվել է կիբեռբուլինգի (ծաղրանքներ սոցիալական ցանցերի և ամբողջությամբ վերցված համացանցի միջոցով):