Կենդանակերպի ամենաբարդ ու անկանխատեսելի կանայք

Կենդանակերպի այս նշանների ներկայացուցիչները հակասական են, երբեք չեք կարող իմանալ՝ ինչ սպասել նրանցից: Նրանք բարդ մարդիկ են, անկանխատեսելի:

Կշեռք: Եթե կարծում եք, թե կենդանակերպի նշանների շարքում Կշեռքներն ամենահավասարակշռվածն են, սխալվում եք: Նրանք սիրում են վիճել, հակաճառում ցանկացած հարցի կապակցությամբ:

Շատ երկար ժամանակ կասկածում են ընտրություն կատարելիս, նրանց համար դժվար է ինքնաբերական որոշումներ կայացնել: Կենդանակերպի այս նշանի կին ներկայացուցիչները հաճախ կողմնորոշված չեն, անկայուն են և չափազանց զգացմունքային են:

Բայց ոչ ոք չի կարողանում այնքան ուրախանալ փոփոխությունների համար, որքան Կշեռքները: Նրանք միշտ գտնում են հարցի միակ ճշմարիտ լուծումը, քանի որ խնդիրը երկար ժամանակ դիտարկում են տարբեր անկյուններից: Կարողանում են ըմբռնել խորը և լուրջ հարցեր:

Խեցգետին: Զգացմունքային են, անկանխատեսելի: Կենդանակերպի այս նշանի ներկայացուցիչների տրամադրությունն օրվա ընթացքում մի քանի անգամ կարող է փոխվել, նրանք կարող են նեղանալ նույնիսկ մանրուքների պատճառով, ապրումներ ունենալ դատարկ բաների համար:

Կին Խեցգետինները հաճախ են զայրանում, նյարդայնանում առանց պատճառի: Միևնույն ժամանակ, Խեցգետինները կենդանակերպի նշանների շարքում ամենահուսալին, հոգատարն ու դյուրազգացն են:

Երկվորյակներ: Շատ բարդ բնավորություն ունեն, քանի որ չափազանց փոփոխական են: Կենդանակերպի այս նշանի ներկայացուցիչները կարող են միևնույն ժամանակ ուրախություն ու տխրություն, սեր ու ատելություն, հիացմունք ու հիասթափություն զգալ: Հաճախ են թաքցնում պահվածքի իրական դրդապատճառները:

Կենդանակերպի այս նշանի ներկայացուցիչները խելացի են, հետաքրքրասեր, հետաքրքիր, գրավիչ ու բազմակողմնակի զարգացած:

Այծեղջյուր: Բարդ մարդու տպավորություն են գործում լրջության և փակ լինելու պատճառով: Կենդանակերպի այս նշանի ներկայացուցիչները հազվադեպ են ցույց տալիս՝ ինչ է կատարվում հոգու խորքում: Նրանք ամուր են, մտածող, պահանջկոտ, ժամանակ առ ժամանակ՝ մռայլ:

Կենդանակերպի այս նշանի ներկայացուցիչները հետևում են բարոյական նորմերին, նույնը սպասում մյուսներից: Միևնույն ժամանակ Այծեղջյուրները նպատակասլաց են, դիմացկուն, կայուն, աշխատասեր ու համառ:

Կարիճ: Հաճախ են խնդիրներ ունենում բարդ բնավորության պատճառով: Կենդանակերպի այս նշանի ներկայացուցիչները կարող են միևնույն ժամանակ սառը և ջերմ լինել: Նրանք անխիղճ են, վտանգավոր, ուժեղ ու անկախ: Հաճախ են լարվում:

Հակված են ճնշել հակասական զգացմունքները, պայքարել սեփական զգացմունքայնության դեմ: Միևնույն ժամանակ՝ կենդանդանակերպի այս նշանի ներկայացուցիչները խորաթափանց են, մտածող, խիզախ, անվախ: