Նուշը ոչ թե մաքրում ու բովում ենք, այլ աղացով անցկացնում։
Ավելացնում ենք շաքարավազն ու խառնում ենք։ Եթե չեք ցանկանում, որ թխվածքաբլիթները շատ քաղցր լինեն, կարող եք շաքարավազի քանակը նվազեցնել։
Ստացված զանգվածը լցնում ենք կաթսայի մեջ, ավելացնում ենք ձվի սպիտակուցներն ու լավ խառնում ենք։
Կաթսան դնում ենք մեղմ կրակի վրա ու խառնում ենք։ Զանգվածը պետք է տաքանա այնքան, որպեսզի մատին դիպչելիս չայրի, այնուհետև հանում ենք կրակի վրայից։
Ավելացնում ենք ալյուրն ու կրկին խառնում ենք։
Ստացվում է թույլ խմոր։ Ձևամանը պատում ենք յուղաթղթով, ապա՝ կարագով։ Գդալի օգնությամբ վերցնում ենք խմորն ու դնում ձևամանի մեջ՝ միմյանցից մի քիչ հեռավորության վրա։
Թխում ենք 15-17 րոպե նախօրոք 190 աստիճան տաքացրած ջեռոցում։
Թխվածքաբլիթները թողնում ենք, որ սառչեն, ապա մատուցում ենք թեյի կամ սուրճի հետ։