Սոխը խորանարդաձև կտրատում ենք, իսկ գազարը անցկացնում ենք խոշոր քերիչով։
Սոխը բուսայուղի մեջ տապակում ենք։ Ավելացնում ենք խճողակը, որոշ ժամանակ խառնում ենք, որպեսզի գնդեր չառաջանան։ Աղ և պղպեղ ենք անում` ըստ ճաշակի։
Գազարը լցնում ենք մեկ այլ թավայի մեջ և բուսայուղի մեջ տապակում ենք։ Կաղամբը կտրատում ենք և ավելացնում գազարով զանգվածի վրա։
Ըստ ճաշակի աղ ենք անում և փակ կափարիչով մոտ 15 րոպե շոգեխաշում ենք։
Ձևամանի մեջ ենք լցնում կաղամբով զանգվածի կեսը։ Պղպեղ ենք ցանում։
Վրան թթվասերի 1/3 մասն ենք լցնում։
Այնուհետև խճողակն ենք լցնում (ամբողջությամբ) և հավասարեցնում ենք։
Վրան մնացած թթվասերի կեսն ենք լցնում։
Լցնում ենք մնացած կաղամբը։
Վրան թթվասեր ենք քսում և քերած պանիր լցնում։
Թխում ենք 25-30 րոպե` 180 աստիճան տաքացրած ջեռոցում։