Armsport.am-ը գրում է.
Հունվարի 14-ից Ծաղկաձորում ուսումնամարզական հավաք են անցկացնում կանոէ և բայդարկա մարզաձևերի երեքական մարզիկներ:
ՀԱՕԿ լրատվականից տեղեկանում ենք, որ պարապմունքները ղեկավարում են հավաքականի մարզիչներ Մարտին Շահվալադյանը (բայդարկա) և Ավետիք Մալխասյանը (կանոէ):
Հավաքը կազմակերպվել է ընդհանուր և հատուկ ֆիզպատրաստականության որակները բարելավելու նպատակով:
Թիավարները զբաղվում են դահուկավազքով, լողով, աշխատում են մարզոցներով, վարժասարքերով, ձյան վրա և լողավազանում կատարում են հատուկ վարժություններ:
Կանոիստների համար մրցաշրջանում առաջնայինը Մինսկում հունիսին անցկացվելիք եվրոպական մարզական երկրորդ խաղերում լավ հանդես գալն է: Տղաներն այնտեղ կմրցեն 1000 մետր ջրուղում:
Բացի այդ, նրանք բայդարկավարների հետ հանդես կգան օգոստոսին Հունգարիայում կայանալիք աշխարհի առաջնությունում, որտեղ կվիճարկվեն Տոկիոյի օլիմպիական խաղերի ուղեգրեր:
Թիավարների ուսումնամարզական ծաղկաձորյան հավաքը կավարտվի հունվարի 31-ին: