Հայաստանի ազգային հավաքականի մարզիչներն այցելել են Ռեալի մարզաբազա
11:40 , 18 հունվար, 2019Armsport.am-ը գրում է.
Հունվարի 17-ին Հայաստանի ազգային հավաքականի մարզչական շտաբի անդամներն այցելել են Մադրիդի «Ռեալի» մարզաբազա:
Մարզիչները հնարավորություն են ունեցել հետևելու Մադրիդի «Ռեալի» մարզմանը, որից հետո հանդիպել են ակումբի գլխավոր մարզիչ Սանտիագո Սոլարիին, նրա օգնականներին և ֆիզպատրաստության գծով մարզչին:
Երեկոյան Հայաստանի ազգային հավաքականի մարզչական շտաբի անդամները, Խինես Մելենդեսի հետ միասին, վերլուծել են մեր հավաքականի ապագա մրցակից Բոսնիայի և Հերցեգովինայի հավաքականի խաղը:
ՀՖՖ մամուլի ծառայությունից տեղեկանում ենք, որ այսօր մեր մարզիչները հետևելու են «Լեգանեսի» մարզմանը և հանդիպելու են թիմի մարզիչներին: