2 նախանշան, որոնք կօգնեն կանխագուշակել ինսուլտը
08:10 , 18 հունվար, 2019Հետազոտողները հայտնաբերել են երկու բիոմարկեր, որոնք կարող են օգտակար լինել թարթող առիթմիան հայտնաբերելու համար։ Թարթող առիթմիան սրտի ռիթմի խաղտման ամենատարածված ձևերից է, որը զգալիորեն բարձրացնում է ինսուլտի հավանականությւնը։
Գիտնականները երկու տարվա ընթացքում աշխատել են ավելի քան 700 կամավորի հետ, որպեսզի ուսումնասիրեն այնպիսի ռիսկային ֆակտորներ, ինչպիսիք են տարիքը, սեռը, զարկերակային հիպերտենզիան, սրտային անբավարարությունը, ինսուլտի պատմությունը, երիկամների ֆունկցիան և մարմնի քաշի ինդեքսը։
Ուսումնասիրության ընթացքում հայտնաբերվել է երկու բիոմարկեր, որոնք կապող օղակ են հանդիսանում թարթող առիթմիայի հետ։ Նրանցից մեկը նատրիումուրետիկ պեպտիդ հորմոնն է, իսկ մյուսը սպիտակուց է, որը պատասխանատու է ֆոսֆատային ռեգուլյացիայի համար։
Թարթող առիթմիա ունեցող մարդկանց մոտ ավելի մեծ է տրոմբի հավանականությունը և նրանք գտնվում են ինսուլտի ռիսկային գոտում։ Հաճախ այդ հիվանդությունը ախտորոշվում է ինսուլտ տանելուց հետո։ Այս ամենից խուսափելու համար շատ կարևոր է ճիշտ ժամանակին դեղամիջոցներ օգտագործելը և բժշկին դիմելը։