«Մետրոյում՝ առանց տաբատների» ակցիան տեղի է ունեցել կիրակի օրը Նյու Յորքում, Լոնդոնում, Բեռլինում, Ամստերդամում և այլ քաղաքներում:
«Մետրոյում՝ առանց տաբատների»-ն ամենամյա ակցիա է, որը տեղի է ունենում հունվարին աշխարհի խոշորագույն քաղաքներում:
Առաջին ֆլեշմոբը տեղի է ունեցել Improv Everywhere ստեղծագործական ասոցիացիայի նախաձեռնությամբ Նյու Յորքում 2002թ.-ին և տարեցտարի տարբեր քաղաքներից և երկրներից ավելի շատ մասնակիցներ է ներգրավել:
Ըստ «Մետրոյում՝ առանց տաբատների» ֆլեշմոբի կանոնների՝ պետք է հանել միայն տաբատը և ձևացնել, թե անսովոր ոչինչ տեղի չի ունենում: Այս ամենը կատարվում է միայն մարդկանց ծիծաղեցնելու և զվարճացնելու համար: Շատ մասնակիցներ տպավորիչ ազդեցություն թողնելու համար վառ, անսովոր կամ զվարճալի ներքնազգեստ են կրում: