Չինացի հնագետները հայտնաբերել են ավելի քան 10 հազար տարեկան մարդու գանգ: Այդ մասին հունվարի 12-ին հայտնել է Սինհուա գործակալությունը։
Գիտնականները գտածոյի տարիքը որոշելու համար ռադիոածխածնային վերլուծություն են անցկացրել: Արդյունքները ցույց են տվել, որ գանգի տերը ապրել է Չինաստանում մոտ 10113 տարի առաջ:
Պեղումների վայրում հայտնաբերվել է 700-1000 տարեկան ևս 3 գանգ: Ռուսաստանի և Մոնղոլիայի սահմաններին մոտ գտնվող այս տարածքում ուսումնասիրություններն իրականցվում են 2018-ի գարնանից: