Ասադի՝ հայկական եկեղեցին վերականգնելու խոստումը կանաչ լույս է հայերի վերադարձի համար. Սաֆրաստյան
18:30 , 11 հունվար, 2019Yerkir.am-ը գրում է.
Սիրիայի նախագահ Բաշար Ասադը Հայաստանում հաստատված սիրիահայերի և հայ գործարարների հետ հանդիպման ժամանակ խոստացել է իր միջոցներով վերականգնել Դեր Զորի Սրբոց Նահատակաց հայկական եկեղեցին:
«Սա սիմվոլիկ է, սրանով Սիրիայի իշխանությունները ցույց են տալիս՝ իրենք շահագրգռված են, որ հայերը վերադառնան, և կանաչ լույս են վառում նրանց վերադարձի համար»,- լրագրողներին ասաց ՀՀ ԳԱԱ արևելագիտության ինստիտուտի տնօրեն Ռուբեն Սաֆրաստյանը՝ հավելելով, որ Բեյրութում և Հայաստանում հաստատված սիրիահայերի մի զգալի մասը կվերադառնա, և այդ գործընթացն արդեն սկսվել է: