Թրամփը կարող է չմասնակցել Համաշխարհային տնտեսական համաժողովին


02:47 , 11 հունվար, 2019

Operativ.am-ը գրում է․

ԱՄՆ նախագահ Դոնալդ Թրամփը կարող է չմասնակցել Համաշխարհային տնտեսական համաժողովին։ Ինչպես հայտնում է Reuters-ը, Թրամփը հայտարարել է, որ Դավոս մեկնումը դեռեւս կա իր օրակարգում, սակայն եթե դաշնային կառավարության մասնակի փակումը շարունակվի, ինքը չի մեկնի այնտեղ։

Հունվարի վերջին Դավոսում կկայանա Համաշխարհային տնտեսական համաժողով, որին հավանաբար կմասնակցի նաեւ Չինաստանի փոխնախագահ Վան Ցիշանը։ Այնուամենայնիվ, պարզ չէ՝ կա արդյոք համաժողովի շրջանակներում նրա եւ Թրամփի հանդիպման մասին որեւէ պայմանավորվածություն։