Իմացեք ժամանակին. ինչպես հասկանալ, որ լյարդը հիվանդ է

Լյարդն օրգանիզմում բազմաթիվ գործառույթներ է կատարում, և դրա առողջության պահպանումը կենսական կարևորություն ունի: Լյարդի հիվանդությունների պատճառ կարող են դառնալ մի շարք գործոններ, սակայն առավել կարևոր է ժամանակին խնդիրը հայտնաբերելն ու բուժում ստանալը:

Այս նշանները կարող են վկայել լյարդի հիվանդությունների մասին.

• գունատ, սպիտակ, դեղին եղունգներ,
• մարմնի տարբեր հատվածում կապտուկների առաջացում,
• մաշկի և աչքերի դեղին գույն,
• ստորին վերջույթների այտուցներ,
• մաշկային քոր,
• սև մեզ,
• գունատ արտաթորանք, արյուն արտաթորանքում,
• քրոնիկական հոգնածություն,
• սրտխառնոց կամ փսխում,
• ախորժակի կորուստ:

Ախտանշանների առկայության դեպքում հարկավոր է խորհրդակցել մասնագետի հետ: Խնդիրների առաջացումը կանխարգելելու համար առողջ կենսակերպ վարեք, հետևեք սննդակարգին:

• Շատ ջուր խմեք:
• Օգտագործեք օրգանական մթերք, խուսափեք գենետիկորեն մոդիֆիկացված մթերքի օգտագործումից:
• Սննդակարգից բացառեք ռաֆինացված շաքարը, ռաֆինացված յուղերի օգտագործումը: Վերջիններս բորբոքային պրոցեսների պատճառ են դառնում:
• Հավասարակշռեք սննդակարգը, օգտագործեք առողջ ճարպեր, ընդեղեն, սերմեր, հատիկավորներ, բուսական և կենդանական ծագման սպիտակուցներ:
• Շատ բանջարեղեն օգտագործեք, որոնք հարուստ են B, C, K վիտամիններով, ինչպես նաև մագնիումով:
• Սննդակարգ ներառեք մթերք, որը հարուստ է ամինաթթուներով՝ կաղամբ, բազուկ, մաղադանոս, սպանախ, ձու, հավի միս:
• Մեծացրեք օգտագործվող բջջանյութի քանակը:
• Հնարավորինս նվազեցրեք ալկոհոլի օգտագործումը: