Զոհեր կան, որոնք սպանությունների մեջ չեն արտացոլվում, կան սպանվածներ, որոնք անցնում են այնպիսի հոդվածներով, որ վիճակագրությունը չփչացնեն

Երբ Նիկոլ Փաշինյանը հայտարարում էր, որ 2018 թվականին ունեցել ենք սպանությունների ռեկորդային ցածր մակարդակ 1990 թվականից ի վեր, հայտնի էր, որ հոկտեմբերի դրությամբ եղել է սպանության 34 դեպք։ Ըստ ԱՎԾ-ի՝ 34 սպանություն է ֆիքսվել նաև նոյեմբերի դրությամբ, այնինչ նոյեմբերի ընթացքում ֆիքսել է առնվազն 2 սպանություն (դանակահարություն ու մարդու կողմից կնոջը սպանել) ու ևս 3-ը՝ դեկտեմբերին։ Սակայն ի՞նչ է պարզվում. նոյեմբերի 2 զոհվածներից մեկը անցնում է ոչ թե որպես սպանություն, այլ սպանության փորձ հոդվածով, մյուսը՝ մարմնական վնասվածքներ, որոնք անզգուշաբար մահ են առաջացրել։

Ինչ է ստացվում. զոհեր կան, որոնք սպանությունների մեջ չեն արտացոլվում։ Հատո՞ւկ է դա արվում, թե՞ ոչ, նո՞ր է տենց սկսվել, թե՞ միշտ է այդպես էղել՝ չգիտեմ։

Զուտ արձանագրում ենք փաստը, որ կան սպանվածներ, որոնք անցնում են այնպիսի հոդվածներով, որ վիճակագրությունը չփչացնեն։