Եթե «Բաունտիի» սիրահար եք, ապա այս տորթը ձեզ համար է. շտապեք պատրաստել Ամանորի նախօրեին ու վայելել տոնական օրերին
09:37 , 22 դեկտեմբեր, 2018Բաղադրիչներ
- Խմորի համար՝
- ալյուր - 80 գ
- կակաո - 20 գ
- ձու - 3 հատ
- շաքարավազ - 120 գ
- փխրեցուցիչ - 1/2 թ/գ
- սերուցք՝ մինչև 20% յուղայնության - 10 ճ/գ (խմորը ներծծելու համար)
- Միջուկի համար՝
- կոկոսի քերուկ - 150 գ
- շաքարավազ - 100 գ
- կարագ - 100 գ
- կաթ - 200 մլ
- Ջնարակի համար՝
- շաքարավազ - 4 ճ/գ
- կակաո - 4 ճ/գ
- կարագ - 50 գ
- կաթ - 100 մլ
Պատրաստման եղանակը
Պատրաստում ենք խմորը: Դրա համար ձուն լավ հարում ենք շաքարավազի հետ 5-7 րոպե՝ մինչև զանգվածի ավելանալը և սպիտակելը:
Ալյուրը, կակաոն և փխրեցուցիչը խառնում ենք, ապա մաս առ մաս ավելացնում հարված ձվով զանգվածի վրա՝ խառնելով ներքևից վերև:
Ձևամանը (մոտավորապես 20 սմ տրամագծով) պատում ենք պերգամենտային թղթով, ապա մի քիչ բուսայուղով, վրան լցնում խմորը: Թխում ենք ջեռոցում 20-25 րոպե 200 աստիճանում: Պատրաստի բիսկվիթը թողնում ենք՝ սառչի 2-3 ժամ:
Պատրաստում ենք միջուկը: Դրա համար կաթսայի մեջ ենք լցնում կաթը, ապա ավելացնում կարագը և շաքարավազը: Դնում ենք կրակի վրա, սպասում՝ կարագը հալչի, որից հետո ավելացնում ենք կոկոսի քերուկը, խառնում: Հասցնում ենք եռման վիճակի և եփում 10-15 րոպե՝ պարբերաբար խառնելով զանգվածը: Ընթացքում զանգվածը պետք է պնդանա, քանի որ կոկոսի քերուկը պետք է ներծծի կաթը կարագի հետ և փափկի: Պատրաստի միջուկը դնում ենք կողքի վրա սառչելու:
Բիսկվիթը կտրում ենք մեջտեղից՝ ստանալով 2 շերտ:
Մի շերտը դնում ենք մեծ ափսեի վրա, վրան շաղ ենք տալիս 5 ճ/գ սերուցքը:
Այնուհետև լցնում ենք ամբողջ միջուկը: Քանի որ միջուկը բավականին շատ է ստացվում, ուստի պետք է այն զգուշորեն տարածել բիսկվիթի ամբողջ մակերեսով՝ գդալով մի քիչ սեղմելով զանգվածը:
Բիսկվիթի երկրորդ շերտը նույնպես ներսի կտրված կողմից ներծծում ենք 5 ճ/գ սերուցքով, ապա ծածկում դրանով բիսկվիթը:
Պատրաստում ենք ջնարակը: Փոքրիկ կաթսայի մեջ ենք լցնում դրա համար նախատեսված բոլոր բաղադրիչները: Տեղափոխում ենք կրակի վրա և խառնելով եփում մինչև միատարր դառնալը և պնդանալը: Տաք ջնարակը լցնում ենք տորթի վրա և հավասարաչափ տարածում ողջ մակերեսով:
Պատրաստի տորթը տեղափոխում ենք սառնարան 3 ժամով, որից հետո միայն անցնում համտեսելուն:
Ալյուրը, կակաոն և փխրեցուցիչը խառնում ենք, ապա մաս առ մաս ավելացնում հարված ձվով զանգվածի վրա՝ խառնելով ներքևից վերև:
Ձևամանը (մոտավորապես 20 սմ տրամագծով) պատում ենք պերգամենտային թղթով, ապա մի քիչ բուսայուղով, վրան լցնում խմորը: Թխում ենք ջեռոցում 20-25 րոպե 200 աստիճանում: Պատրաստի բիսկվիթը թողնում ենք՝ սառչի 2-3 ժամ:
Պատրաստում ենք միջուկը: Դրա համար կաթսայի մեջ ենք լցնում կաթը, ապա ավելացնում կարագը և շաքարավազը: Դնում ենք կրակի վրա, սպասում՝ կարագը հալչի, որից հետո ավելացնում ենք կոկոսի քերուկը, խառնում: Հասցնում ենք եռման վիճակի և եփում 10-15 րոպե՝ պարբերաբար խառնելով զանգվածը: Ընթացքում զանգվածը պետք է պնդանա, քանի որ կոկոսի քերուկը պետք է ներծծի կաթը կարագի հետ և փափկի: Պատրաստի միջուկը դնում ենք կողքի վրա սառչելու:
Բիսկվիթը կտրում ենք մեջտեղից՝ ստանալով 2 շերտ:
Մի շերտը դնում ենք մեծ ափսեի վրա, վրան շաղ ենք տալիս 5 ճ/գ սերուցքը:
Այնուհետև լցնում ենք ամբողջ միջուկը: Քանի որ միջուկը բավականին շատ է ստացվում, ուստի պետք է այն զգուշորեն տարածել բիսկվիթի ամբողջ մակերեսով՝ գդալով մի քիչ սեղմելով զանգվածը:
Բիսկվիթի երկրորդ շերտը նույնպես ներսի կտրված կողմից ներծծում ենք 5 ճ/գ սերուցքով, ապա ծածկում դրանով բիսկվիթը:
Պատրաստում ենք ջնարակը: Փոքրիկ կաթսայի մեջ ենք լցնում դրա համար նախատեսված բոլոր բաղադրիչները: Տեղափոխում ենք կրակի վրա և խառնելով եփում մինչև միատարր դառնալը և պնդանալը: Տաք ջնարակը լցնում ենք տորթի վրա և հավասարաչափ տարածում ողջ մակերեսով:
Պատրաստի տորթը տեղափոխում ենք սառնարան 3 ժամով, որից հետո միայն անցնում համտեսելուն:
Ի դեպ, եթե որոշել եք տորթ «Բաունտի» պատրաստել, առանձնակի ուշադրություն դարձրեք կոկոսի քերուկի ընտրությանը: Կարելի էր խորհուրդ տալ օգտագործել բնական կոկոս, բայց եթե ուզում եք ստանալ հենց «Բաունտիի» բույրը, ստիպված եք օգտագործել կոկոսի պատրաստի քերուկ, քանի որ այնտեղ կան հավելումներ, որոնք ապահովում են «Բաունտի» կոնֆետի բնութագական համը: