«Էս մարդը գնացել, քո համար մեռել ա, որ դու էսօր մանկապարտեզ գնաս». Արման Աբովյան

Այսօր Երևանի ավագանու արտահերթ նիստի շրջանակներում քննարկում էինք նաև մի մանկապարտեզի կանոնադրության հաստատումը։ Բանն այն է, որ կանոնադրության մեջ կա մի կետ, որը հաստատում է մանուկների դաստիարակության անհրաժեշտությունը հայրենասիրական և ազգային ոգով։

Դա դուր չեկավ մեր գործընկերներից մեկին։ Ստիպված էի հակադարձել, որովհետև համոզված եմ, որ երեխաների դաստիարակության մեջ առանցքային դեր պետք է ունենա ազգային կոմպոնենտը։ Մենք ո՛չ Նորվեգիա ենք, ոչ էլ Ֆինլանդիա, որ խաղանք անհասկանալի և վտանգավոր «կոսմոպոլիտիզմ և գլոբալիզացում»։

Կներեք, եթե մի քիչ կոպիտ է հնչում։

Երեխաները մանկական հասակից պետք է իմանան, օրինակ, այն ազատամարտիկների անունները, որոնց շնորհիվ մենք այսօր ապրում ենք անկախ և անվտանգ Հայաստանում։

Եվս մեկ անգամ ներողություն եմ խնդրում մի փոքր կոպիտ որակավորումների համար։