Կիպրոսում ծովի հատակին ամանորյա տոնածառ են տեղադրել
00:00 , 21 դեկտեմբեր, 2018Կիպրոսյան դայվերները Միջերկրական ծովում ավելի քան 40 մետր խորության վրա ամանորյա տոնածառ են տեղադրել, հաղորդում է Euronews-ը:
Տոնածառը տեղադրվել է Լարնակայից ոչ հեռու՝ 1980թ.-ին իր առաջին ուղերթի ժամանակ խորտակված շվեդական Zenobia լաստանավի տախտակամածի վրա: Նավը խորտակվել է հսկողության էլեկտրոնիկայի հետ կապված խնդիրների պատճառով, որից հետո որոշում է կայացվել այն մոտ 1.5 կմ հեռացնել ափից, որպեսզի չխանգարի նավագնացությանը:
Այս տեղը հայտնի է դարձել է տարբեր երկրներից ժամանող դայվերների շրջանում, որոնք ուղևորվում են այստեղ խորտակված նավն ուսումնասիրելու նպատակով: