ԱՄՆ-ում 1/3-ը ամուսնանում է համացանցում ծանոթանալու շնորհիվ. հետազոտություն

Ամերիկացի հոգեբանների հաշվարկներով՝ ԱՄՆ-ում ամուսնությունների 1/3-ի հիմքում համացանցով ունեցած հանդիպումն է: Այս մասին հայտնում է BBC-ն: 

Հետազոտողները պարզել են, որ նման միություններն ավելի երկար են պահպանվում, քան համացանցից դուրս միմյանց հանդիպած զույգերի պարագայում:

Նրանց տարիքը, ովքեր ավելի հաճախ են իրենց երկրորդ կեսին գտնում համացանցով, 30-49-ն է: Նրանք սովորաբար եկամտի բարձր մակարդակ ունեցող ամերիկացիներն են: