Hraparak.am-ը գրում է.
Եվրամիությունը պատրաստվում է Արեւելյան գործընկերության երկրներին կիբերսպառնալիքների դեմ կայունության բարձրացման համար տրամադրել 3,2 միլիոն եվրոյի չափով հատկացում։
Ինչպես հայտնում է РЕН ТВ-ն, այս ծրագրի շահառուներն են լինելու՝ Հայաստանը, Ադրբեջանը, Բելառուսը, Վրաստանը, Մոլդովան եւ Ուկրաինան։ Ըստ Եվրահանձնաժողովի տենդերի, այդ երկրներում նախատեսվում է զարգացնել տեխնիկական միջոցներն ու համագործակցության մեխանիզմները, որոնք կբարձրացնել վերջիններիս կիբերանվտանգությունը եւ կիբերհարձակումներին հակադարձելու պատրաստվածությունը։