Սինգապուրի գերագույն դատարանը թույլատրել է գեյ բժշկին որդեգրել սեփական երեխային, փոխանցում է Reuters-ը։
Դատարանը մեկ տարի առաջ մերժել էր բժշկի հայցը և այս որոշումը բացառիկ է պահպանողականությամբ հայտնի քաղաք-պետության համար, գրում է գործակալությունը։
Հայտնի է, որ երեխան ծնվել է ԱՄՆ-ում փոխնակ մորից արհեստական բեղմնավորման միջոցով, թեպետ Սինգապուրում այդ մեթոդից կարող են օգտվել միայն ամուսնացած կանայք։
Դատարանը իր որոշումը բացատրել է երեխայի ապագայի հանդեպ ունեցած անհանգստությամբ։
Այժմ Սինգապուրում մտադիր են վերանայել սեռական փոքրամասնություններին վերաբերող հին օրենքը։