5 վարժություն պարանոցի և ուսերի լարվածությունը թուլացնեու համար
06:08 , 17 դեկտեմբեր, 2018Շատերիս է ծանոթ այն վիճակը, երբ պարանոցի մկանները ձգված են, իսկ ուսերը՝ լարված։ Եթե այս նշանները սթրեսի, սխալ դիրքով նստելու կամ անբավարար ֆիզիկական ակտիվության պատճառով են առաջանում, ապա այս դեպքում հարկավոր է կատարել մի քանի վարժություններ, որոնք էականորեն կարող են թեթևացնել ձեր վիճակը։
Պարանոցի ձգում ձեռքերի օգնությամբ
Այս վարժությունը ապահովում է պարանոցի ետևի մասին և մեջքի վերևի մասի ձգումը։
- Հարմար տեղավորվեք աթոռին կամ հատակին։
- Ձեռքերը միացրեք գլխի ետևում։
- Զգուշորեն գլուխը ձգեք ներքև՝ փորձելով ծնոտը հպել կրծքին։
- Գլուխն այս դիրքում պահեք 30-40 վայրկյան, որից հետո դանդաղ վերադարձեք նախնական դիրքին։
Գլխի կողային թեքումներ
Այս վարժության նպատակը պարանոցի աջ և ձախ հատվածների թուլացումն է։
- Հարմար տեղավորվեք աթոռին կամ հատակին։
- Աջ ձեռքը դրեք քունքին և գլուխը զգուշորեն ձգեք աջ։
- Մեջքը ուղիղ պահեք, իսկ ուսերը՝ թուլացած։
- Գլուխն այս դիրքում պահեք 30-40 վայրկյան, որից հետո դանդաղ վերադարձեք նախնական դիրքին։
- Նույնը կրկնեք նաև հակառակ ուղղությամբ։
Թիակի մկանները թուլացնող վարժություններ
Այս վարժության ժամանակ աշխատում են ուսերը և պարանոցի կողային մկանները։
- Նստեք աթոռին և մեկ ձեռքով բռնվեք դրանից։
- Ծնոտը ուղղեք կրծքին, իսկ ականջը՝ ձախ ուսին։
- Գլոխը 45° աջ պտտեք, այնուհետև՝ 45° ձախ։ Դուք կարող եք ձեռքը գլխի վրա դնելով օգնել ձեզ, բայց առանց ջանք գործադրելու։ Բոլոր շարժումները պետք է նուրբ լինեն։
- Ամենավերջին կետերում գլուխը պահեք 20-30 վայրկյան
Ուսերի պտույտ
Այս շարժումը հանում է ուսերի լարվածությունը։
- Կանգնեք կամ նստեք, մեջքը և ուսերն ուղիղ պահեք։
- Ուսերը բարձրացրեք վերև, այնուհետև իջեցրեք ետ և ներքև՝ ստեղծելով շրջանաձև շարժում։
- Շարժվեք սլացիկ, գլուխը պահեք պարանոցին սեղմած՝ ստեղծելով երկակի ծնոտ։
Ձեռքերի ձգումներ՝ պատի օգնությամբ
Այս արժությունը շատ լավ միջոց է լարված ուսերի համար։
- Ձախ ձեռքը հենեք պատին։ Ձեռքի ափը նույնպես կարող է հպվել պատին։
- Ուսը սեղմեք պատին։
- Կուրծքը թեթևակի թեքեք պատից՝ ստեղծելով թեթև ձգում։
- Այս դիրքով մնացեք 30-40 վայրկյան, որից հետո նույնը կրկնեք հաջորդ ձեռքով։